05/01/2010 - Axencias
El Diario Oficial de Galicia (DOG) publica este martes la modificación de la ley de cajas aprobada en el Parlamento el pasado día 29 por el PPdeG y el BNG que entrará mañana en vigor.
30 DIARIO OFICIAL DE GALICIA Nº 2 _ Martes, 5 de xaneiro de 2010
I. DISPOSICIÓNS XERAIS
PRESIDENCIA
Lei 10/2009, do 30 de decembro, de modificación
do Decreto lexislativo 1/2005, do
10 de marzo, polo que se aproba o texto
refundido das leis 7/1985, do 17 de xullo,
e 4/1996, do 31 de maio, de caixas de aforros
de Galicia.
Exposición de motivos
O Estatuto de autonomía de Galicia, no seu artigo
30.I.5, indica que, de acordo coas bases e a ordenación
da actuación económica xeral e a política
monetaria do Estado, lle corresponde á Comunidade
Autónoma galega, nos termos do disposto nos artigos
38, 131, 149.1, 11 e 13 da Constitución, a competencia
exclusiva en materia de caixas de aforros.
Nesta modificación lexislativa preténdese afondar
no exercicio e no reforzamento destas competencias
estatutarias, considerando a especial natureza xurídica
deste tipo de entidades, á vez mercantís e fundacionais.
As caixas de aforros son entidades financeiras
pero de indisoluble natureza fundacional.
Deste xeito, a súa vertente social vese irremediablemente
unida á súa actividade financeira, polo que
precisa da súa eficiencia e da súa solvencia.
A crise financeira actual está a deixar sentir a súa
pegada no financiamento do tecido empresarial vinculado
aos sectores produtivos estratéxicos da nosa
economía. As caixas de aforros, alén do seu carácter
de entidades que se dedican aos servizos financeiros,
teñen unha vocación social e unha vinculación
co territorio no que se asentan, debido á súa natureza
fundacional, e son un instrumento fundamental
no financiamento da economía galega. Esta función
ha servir para contribuír a mellorar o nivel socioeconómico
de Galicia, que devén máis necesaria nunha
situación como a actual de recesión económica e de
dificultades financeiras.
En termos xerais, as modificacións introducidas
nesta lei pretenden afondar tanto na modernización
da representación territorial, institucional e privada
coma na eficacia no seu funcionamento e cumprimento
de funcións. Incídese decisivamente na independencia
e despolitización destas entidades e restrínxeselles
o acceso a cargos electos, altos cargos e
similares.
De cara a unha maior transparencia e seguridade
xurídica, dótase de carácter constitutivo o rexistro
de altos cargos, que deixa de ter un carácter simplemente
informativo.
Respectando a actual natureza xurídica e a tradicional
vinculación territorial das caixas, esta modificación
lexislativa pretende adaptar a representación
dos órganos de goberno á realidade territorial
actual, considerando o ámbito das entidades e a
representatividade das súas institucións. Deste xeito
dáselle entrada na representación ao Parlamento
de Galicia e modifícase o sistema de elección das
entidades representativas de intereses sociais.
Avánzase na despolitización destas entidades e
establécese a incompatibilidade dos cargos electos e
altos cargos para acceder a postos nos órganos de
goberno. Ao tempo, búscase a especial cualificación
das persoas que accedan en representación pública
ou representativa.
Enuméranse as diferentes comisións delegadas do
consello de administración e increméntase a periodicidade
mínima de reunións da comisión de control.
Establécense as causas de incompatibilidade e o
cesamento dos conselleiros xerais e o xeito de acceso
ao consello de administración e á comisión de control.
Aclárase a autorización dos sistemas institucionais
de protección, figura creada con posterioridade á
anterior lei, aínda que estaba implicitamente prevista
no artigo 35.3 do noso texto refundido.
Trátase, en suma, de modernizar os órganos de
goberno, dotándoos de maior independencia e autonomía
e recollendo a pluralidade e realidade social
e política actual.
Por todo o exposto o Parlamento de Galicia aprobou
e eu, de conformidade co artigo 13.2º do Estatuto
de Galicia e co artigo 24 da Lei 1/1983, do 23 de
febreiro, reguladora da Xunta e da súa Presidencia,
promulgo en nome de El-Rei a Lei de modificación
do Decreto lexislativo 1/2005, do 10 de marzo, polo
que se aproba o texto refundido das leis 7/1985, do
17 de xullo, e 4/1996, do 31 de maio, de caixas de
aforros de Galicia.
Artigo 1º.-Modificacións no título I do Decreto lexislativo
1/2005, do 10 de marzo, polo que se aproba o
texto refundido das leis 7/1985, do 17 de xullo, e
4/1996, do 31 de maio, de caixas de aforros de Galicia.
Modifícanse os artigos que seguidamente se relacionan
do título I do Decreto lexislativo 1/2005, do
10 de marzo, polo que se aproba o texto refundido
das leis 7/1985, do 17 de xullo, e 4/1996, do 31 de
maio, de caixas de aforros de Galicia:
Un.-O artigo 2 queda redactado nos seguintes termos:
«Artigo 2º.-Concepto de caixa de aforros.
Entenderase por caixa de aforros, para os efectos
deste texto refundido, a entidade financeira de
carácter social, de natureza fundacional e sen finalidade
lucrativa que, baixo o protectorado público
exercido polo Goberno da Comunidade Autónoma de
Galicia a través da consellaría competente en materia
de política financeira, se dedica á actividade
financeira e á prestación de servizos conexos, destinando
parte dos seus excedentes a accións sociais e
contribuíndo a un maior desenvolvemento socioeconómico
de Galicia».
Dous.-O artigo 5 queda redactado nos seguintes
termos:
«Artigo 5º.-Acción de goberno.
A acción do Goberno da comunidade autónoma, no
marco das bases e da ordenación da actividade ecoN
º 2 _ Martes, 5 de xaneiro de 2010 DIARIO OFICIAL DE GALICIA 31
nómica xeral e da política monetaria do Estado,
levarase a cabo baixo os seguintes principios:
a) Velar pola independencia das caixas de aforros
e defender a súa natureza fundacional, prestixio e
estabilidade.
b) Vixiar o cumprimento por parte das caixas de
aforros da súa función económico-social, de acordo
cunha adecuada política de administración e de
investimento do aforro privado.
c) Procurar a estabilidade económica e financeira
das caixas de aforros así como a total transparencia
dos mercados onde operan, e crear os mecanismos
oportunos para que os clientes das caixas dispoñan
de toda a información necesaria.
d) Establecer mecanismos de cobertura e protección
dos clientes.
e) Estimular todas as accións lexítimas das institucións
de aforro encamiñadas a mellorar o nivel
socioeconómico de Galicia.
f) Garantir os principios de democratización,
transparencia e eficacia na configuración, elección e
no funcionamento dos órganos de goberno das caixas
de aforros.
g) Fomentar a cooperación das caixas de aforros
galegas.
h) Velar para que exista unha organización administrativa
e contable e uns procedementos de control
internos axeitados».
Artigo 2º.-Modificacións no título II do Decreto
lexislativo 1/2005, do 10 de marzo, polo que se aproba
o texto refundido das leis 7/1985, do 17 de xullo,
e 4/1996, do 31 de maio, de caixas de aforros de
Galicia.
Modifícanse os artigos que seguidamente se relacionan
do título II do Decreto lexislativo 1/2005, do
10 de marzo, polo que se aproba o texto refundido
das leis 7/1985, do 17 de xullo, e 4/1996, do 31 de
maio, de caixas de aforros de Galicia:
Un.-O artigo 6 queda redactado nos seguintes termos:
«Artigo 6º.-Principios xerais de actuación das
caixas de aforros.
1. As caixas de aforros teñen un dobre carácter:
social e fundacional, pola súa finalidade e aplicación
de excedentes, e de entidade financeira, por
razón da súa actividade.
2. As caixas de aforros garantirán unha xestión eficaz
dos recursos que lles son confiados, para o que
asegurarán a súa estabilidade, o coidado permanente
da súa solvencia e a aplicación do excedente económico
aos fins previstos neste texto refundido.
3. Os órganos de goberno da caixas de aforros
actuarán con dilixencia, lealdade e confidencialidade
».
Dous.-O artigo 7 queda redactado nos seguintes
termos:
«Artigo 7º.-Organización democrática.
1. A estrutura e a composición dos órganos de
goberno das caixas de aforros serán democráticas.
2. Os membros dos órganos de goberno das caixas
de aforros coidarán dos intereses fundacionais da
caixa, dos dos seus depositantes e dos do territorio
onde estas desenvolvan a súa actividade, con plena
independencia de calquera outro interese que lles
puidese afectar.
3. Así mesmo, garantirán a transparencia e eficacia
nas actividades que desenvolvan, para o que
favorecerán a participación dos impositores e clientes
nos asuntos de interese para as caixas de aforros,
difundirán dun xeito constante información obxectiva
sobre a súa situación e promoverán o emprego das
novas tecnoloxías da información».
Tres.-O artigo 15 queda redactado nos seguintes
termos:
«Artigo 15º.-Situación de déficit patrimonial.
Cando os recursos propios dunha caixa resultasen
insuficientes para garantir a solvencia da entidade,
deberán producirse:
a) Novas achegas dos fundadores, suficientes para
cubrir o déficit patrimonial existente.
b) A incorporación de persoas ou entidades públicas
ou privadas que, con idéntica consideración
xurídica que a dos fundadores, acheguen en concepto
de ampliación do fondo fundacional os recursos
suficientes para cubrir o déficit existente.
c) Calquera outra medida prevista na normativa
básica do Estado, logo de autorización dos órganos
competentes da Comunidade Autónoma de Galicia
de acordo coa normativa vixente».
Catro.-Engádenselle ao artigo 18 as alíneas 4 bis e
5 bis coa seguinte redacción:
«4 bis. O órgano competente para acordar a emisión
de cotas participativas é a asemblea xeral. O
acordo de emisión debe ser autorizado pola consellaría
competente en materia de política financeira».
«5 bis. A caixa de aforros levará un rexistro de
cotapartícipes».
Cinco.-O artigo 23 queda redactado nos seguintes
termos:
«Artigo 23º.-Rexistro de órganos de goberno e de
altos cargos.
1. Na consellaría competente en materia de política
financeira existirá un rexistro público no que se
deberán inscribir os nomeamentos, reeleccións e
cesamentos dos membros dos órganos de goberno e
dos directores xerais das caixas de aforros con domicilio
social en Galicia.
2. O contido e o acceso ao rexistro dos órganos de
goberno e de altos cargos das caixas de aforros galegas
desenvolverase regulamentariamente. En todo
caso, a inscrición neste rexistro ten carácter constitutivo,
de xeito que os nomeamentos, reeleccións e
cesamentos non terán eficacia vinculante e executiva
ata a comunicación á entidade da inscrición
daqueles.
3. O prazo para a inscrición e notificación á entidade
será dun mes a partir da entrada na consellaría
competente en materia de política financeira da solicitude
de inscrición, solicitude que deberá remitirse
32 DIARIO OFICIAL DE GALICIA Nº 2 _ Martes, 5 de xaneiro de 2010
nun prazo máximo de dez días desde o acordo, xunto
coa documentación xustificativa do nomeamento,
da reelección ou do cesamento. O silencio administrativo
terá carácter positivo.
4. As altas e baixas deste rexistro seranlle notificadas
ao Banco de España. Poderá emitirse certificación
por instancia de calquera persoa que xustifique
o seu interese».
Seis.-O artigo 24 pasa a formar parte da sección
primeira do capítulo III do título II, e queda redactado
da seguinte maneira:
«Artigo 24º.-Funcionamento dos órganos de goberno.
1. Correspóndelle ao presidente de cada órgano de
goberno, ademais da representación do órgano:
a) Ordenar a convocatoria das sesións e fixar a
orde do día, tendo en conta, se é o caso, as peticións
formuladas polos demais membros do órgano, segundo
o procedemento e os prazos que se prevexan nos
estatutos.
b) Presidir as sesións, moderar os debates, suspendelos
por causas xustificadas e dirimir co seu voto os
empates.
c) Asinar as actas e as certificacións dos acordos
do órgano.
2. Correspóndelle ao secretario de cada órgano de
goberno:
a) Efectuar a convocatoria das sesións por orde do
seu presidente e citar os membros do órgano coa
antelación que se sinale nos estatutos, así como
remitirlles a documentación necesaria para a análise
dos asuntos que figuren na orde do día.
b) Realizar as comunicacións do órgano cos seus
membros e coas administracións públicas ás que
teña que remitir a documentación.
c) Redactar e autorizar as actas das sesións e expedir
as certificacións dos acordos adoptados.
3. A convocatoria e a remisión da información que
deban analizar os membros dos órganos de goberno
poderá realizarse por medios informáticos sempre
que garantan a confidencialidade e impidan a súa
difusión pública.
4. Calquera membro dun órgano de goberno poderá
solicitar copia das actas dos acordos adoptados
polo dito órgano, e deberá serlle remitida nun prazo
máximo de dez días. O contido destas actas estará
suxeito ao deber de confidencialidade.
5. Os membros dos órganos de goberno das caixas
de aforros estarán obrigados a gardar secredo respecto
das informacións e confidencias que coñezan
no exercicio das súas funcións.
6. As deliberacións dos órganos de goberno serán
secretas, agás que o propio órgano acorde expresamente
a posibilidade de difusión.
7. Os estatutos das caixas de aforros regularán a
forma na que haberán de facerse públicos os acordos
dos seus órganos de goberno.
Porén, os órganos de goberno poderán restrinxir a
difusión dos seus acordos durante o tempo e na medida
na que resulte necesario para a súa actividade.
8. A violación do deber de segredo constitúe xusta
causa de cesamento das previstas neste texto refundido,
sen prexuízo das responsabilidades que puidesen
proceder».
Sete.-O artigo 25 queda redactado nos seguintes
termos:
«Artigo 25º.-Asemblea xeral.
1. A asemblea xeral é o órgano supremo de goberno
e de decisión das caixas de aforros, e consta de
160 membros, que teñen a denominación de conselleiros
xerais.
2. Os sectores representados na asemblea xeral e
as porcentaxes de representación son os seguintes:
a) A comunidade autónoma a través do Parlamento
de Galicia: co 20%.
b) Corporacións locais en cuxo termo teña oficinas
a entidade: co 20%.
c) As entidades representativas de intereses colectivos:
co 10%. Dentro desta porcentaxe, o 25% será
para as entidades representativas das confederacións
de empresarios de Galicia, outro 25% para as
organizacións sindicais máis representativas de
Galicia, outro 25% para as restantes entidades con
representación no Consello Económico e Social de
Galicia, non mencionadas anteriormente, que non
teñan a consideración de administración institucional
ou corporativa, e o outro 25% para as asociacións
e institucións de carácter benéfico ou social de
recoñecido prestixio e representatividade no ámbito
territorial de actuación da caixa de aforros, designadas
por orde da consellaría competente en materia
de política financeira, logo de consultadas as entidades.
d) Empregados da caixa de aforros: co 10%. Os
representantes dos empregados terán as mesmas
garantías que as establecidas no Estatuto dos traballadores
para os representantes legais dos traballadores.
e) Entidades fundadoras: ata o 10% na proporción
que figure nos estatutos de cada caixa. No caso de
non existir entidades fundadoras, ou non acadar o
10%, a súa representación atribuiráselles á Comunidade
Autónoma de Galicia e ás corporacións locais
a partes iguais.
f) Impositores: co 30%.
A representación das administracións públicas e
das entidades e corporacións de dereito público nos
órganos de goberno, incluída a que corresponda ás
entidades fundadoras cando estas teñan a mesma
natureza, non poderá superar no seu conxunto o 50%
do total dos dereitos de voto en cada un de tales
órganos tendo que estar representadas todas as entidades
e corporacións.
No caso de que por motivo do número de membros
da asemblea xeral o número de representantes non
sexa número enteiro, procederase a efectuar o
Nº 2 _ Martes, 5 de xaneiro de 2010 DIARIO OFICIAL DE GALICIA 33
redondeo por defecto e atribuiranse os restos de xeito
proporcional ao decimal máis alto. No caso de
haber dous grupos co mesmo decimal, a preferencia
determinarase segundo a orde da letra establecida
neste texto refundido. No caso de que, por aplicación
do redondeo, a representación pública puidera
superar o 50% do órgano, o grupo ou os grupos que
o fixesen superar cederán a orde aos seguintes non
públicos. Idéntico criterio seguirase nos restantes
órganos do goberno.
3. A designación dos representantes de cada sector
deberá realizarse tendo en conta as seguintes
normas:
a) A representación do Parlamento de Galicia
corresponderá á persoas residentes na Comunidade
Autónoma de Galicia, elixidas polo Pleno da Cámara,
e respectarase a proporcionalidade dos grupos
parlamentarios desta.
b) A representación das corporación locais corresponderalles
a persoas nomeadas polo pleno da corporación
por maioría, na proporción que resulte da
composición desta. No caso de que sexa un o que
haxa que elixir, serao por maioría absoluta.
c) A representación dos impositores e das corporacións
municipais deberá gardar proporción coa distribución
dos depósitos captados en cada comunidade
autónoma. Para tal efecto, o número de membros
do sector asignarase por comunidades autónomas en
función do volume de depósitos que supoñan as oficinas.
d) Os representantes dos empregados serán elixidos
polos propios empregados da caixa de aforros de
xeito proporcional aos votos obtidos nas listas presentadas.
A elección realizarase por votación persoal
e secreta de todo o persoal que teña, no momento
da votación, unha antigüidade mínima de dous
anos no cadro de persoal da caixa de aforros.
e) As entidades fundadoras dunha caixa de aforros
non poderán estar representadas nos órganos de
goberno de ningunha outra caixa que opere total ou
parcialmente no mesmo territorio.
f) Os representantes dos impositores serán elixidos
mediante sorteo público, notarial, directo e aleatorio,
e manterán a proporción coa distribución de
recursos alleos captados en cada comunidade autónoma.
No sorteo extraerase, ademais, un número de
suplentes que duplique o de titulares.
g) Os empregados da caixa de aforros poderán
acceder aos órganos de goberno exclusivamente en
representación dos empregados e, de xeito extraordinario,
en representación das entidades locais.
h) As persoas nomeadas en representación das
corporacións locais, do Parlamento de Galicia, das
entidades fundadoras e das entidades representativas
de intereses colectivos deberán ter os coñecementos
ou a experiencia en materia económica,
financeira ou xurídica que lles permitan adoptar
as decisións que afecten a entidade, con coñecemento
dos seus posibles efectos e das responsabilidades
que asuman. Así mesmo, non poderá
recaer en persoas que exerzan un cargo por mandato
representativo nin en persoas incluídas no
ámbito de aplicación da Lei 9/1996, do 18 de
outubro, de incompatibilidades dos membros da
Xunta de Galicia e altos cargos da Administración
autonómica, nin no persoal eventual ou directivo
das corporacións locais».
Oito.-O artigo 26 queda redactado nos seguintes
termos:
«Artigo 26º.-Requisitos dos conselleiros xerais.
1. Os conselleiros xerais deberán reunir os seguintes
requisitos:
a) Ser persoa física con residencia habitual na
zona de actividade da caixa de aforros.
b) Ser maior de idade e non estar incapacitado.
c) Os representantes dos impositores deberán ter a
condición de depositantes con dous anos de antigüidade,
como mínimo, no momento da súa elección, así
como un saldo medio en conta no semestre precedente
non inferior a 500 euros. Este importe poderá ser
revisado periodicamente pola consellaría competente
en materia de política financeira tendo en conta a
evolución do índice de prezos ao consumo.
d) Estar ao corrente no cumprimento das obrigas
que tivese contraídas coa caixa de aforros, por si
mesmo ou en representación doutras persoas ou
entidades.
e) Non estar incurso nas causas de inelixibilidade
ou incompatibilidade que se recollen neste texto
refundido.
f) Non ter cumpridos os 70 anos.
A perda de calquera dos requisitos anteriores,
incluído o cumprimento da idade prevista no punto
f), será considerada causa de cesamento por supor a
perda dos requisitos exixidos para o desempeño do
cargo, conforme o previsto no artigo 30º deste texto
refundido.
2. Idénticas condicións exixiranse para representar
a caixa de aforros tanto en sociedades participadas,
fundacións ou outros entes, como para ocupar
postos nos órganos de goberno en fundacións, entes
ou sociedades dependentes da caixa de aforros».
Nove.-O artigo 28 queda redactado nos seguintes
termos:
«Artigo 28º.-Incompatibilidades.
Os membros dos órganos de goberno non poderán
estar vinculados á caixa de aforros ou a empresas
participadas por esta en máis dun 20% directa ou
indirectamente, ou nas que exerza unha posición de
dominio, por contratos de obra, servizos, subministracións,
traballos retribuídos ou postos en órganos
de goberno durante o período no que exerzan esta
condición e nos dous anos seguintes ao seu cesamento,
agás a relación laboral cando a condición de
conselleiro xeral recaia nun empregado da caixa de
aforros».
34 DIARIO OFICIAL DE GALICIA Nº 2 _ Martes, 5 de xaneiro de 2010
Dez.-O artigo 31 queda redactado nos seguintes
termos:
«Artigo 31º.-Funcións da asemblea xeral.
Correspóndenlle á asemblea xeral as seguintes
funcións:
a) Nomear os vogais do consello de administración
e da comisión de control entre os membros da propia
asemblea xeral.
b) Apreciar as causas de separación dos membros
dos órganos de goberno antes do cumprimento do
seu mandato, así como acordar a súa separación.
c) Aprobar e modificar os estatutos e os regulamentos
dos órganos de goberno.
d) Aprobar a fusión, liquidación e disolución da
caixa de aforros, así como os contratos de aseguramento
e garantía con outras entidades financeiras,
as delegacións de competencias noutros consellos ou
entidades e os sistemas institucionais de protección
ou figuras análogas.
e) Definir as liñas xerais do plan de actuación da
caixa de aforros, ás cales deberán someter a súa
actuación o consello de administración, a comisión
de control e os órganos directivos da caixa de aforros.
f) Autorizar a emisión de obrigas subordinadas,
participacións preferentes, cotas participativas e
calquera outro instrumento financeiro computable
como recursos propios.
g) Aprobar, se é o caso, a xestión do consello de
administración, así como as contas anuais, o informe
de xestión e acordar a distribución dos excedentes.
h) Nomear ou revogar os auditores de contas propostos
polo consello de administración.
i) Autorizar a creación de novas obras sociais, así
como aprobar a liquidación da obra social realizada
no exercicio anterior e aprobar os orzamentos para o
ano vixente.
j) Ratificar os acordos do consello de administración
polo que se nomee o director xeral.
k) Aprobar, por proposta do consello de administración,
o código de conduta e responsabilidade
social corporativa da caixa de aforros.
l) Calquera outro asunto que sexa sometido á súa
consideración polos órganos facultados para o efecto
».
Once.-O artigo 32 queda redactado nos seguintes
termos:
«Artigo 32º.-Convocatoria e realización da asemblea
xeral.
1. A asemblea xeral, ordinaria ou extraordinaria,
será convocada polo consello de administración
cunha antelación mínima de quince días e máxima
dun mes. Indicarase a data, o lugar, a hora e a orde
do día, así como a data, o lugar e a hora da reunión
en segunda convocatoria, e deberá publicarse cunha
antelación mínima de quince días no Diario Oficial
de Galicia, no Boletín Oficial del Estado e nos xornais
de maior circulación na zona de actuación da
caixa de aforros, así como no sitio web institucional.
2. Cunha antelación mínima de quince días, a
caixa deberá remitirlles a cada un dos conselleiros
xerais a documentación xustificativa dos asuntos
que figuren na orde do día. No caso da asemblea
xeral ordinaria, entre a documentación remitida
deberán figurar as contas anuais e o informe de xestión,
a proposta de distribución de excedentes, o
informe anual da comisión de control e o informe de
auditoría.
3. Para a súa válida constitución en primeira convocatoria
a asemblea xeral precisará da asistencia
da maioría dos seus membros. En segunda convocatoria
será precisa a asistencia de máis dun terzo dos
conselleiros xerais, agás nos supostos nos que se
debata a emisión de cotas participativas, a separación
de membros dos órganos de goberno, a aprobación
ou modificación dos estatutos e dos regulamentos
ou a liquidación ou disolución da caixa de aforros,
en cuxo caso requirirase a asistencia da maioría
dos seus membros.
4. Os acordos tomaranse por maioría simple de
votos dos concorrentes, agás nos casos sinalados na
alínea anterior, nos que será necesario o voto favorable
de dous terzos dos concorrentes.
5. Cada conselleiro xeral ten dereito a un voto, e a
quen presida a reunión outorgaráselle voto de calidade.
En ningún caso se admitirá a asistencia á
asemblea xeral mediante representación, nin a delegación
do voto.
6. Presidirá a sesión o presidente do consello de
administración e actuará como secretario quen ocupe
o cargo de secretario do consello de administración.
En caso de ausencia do presidente, será suplido polo
vicepresidente e, en defecto deste, polo vogal do consello
de administración de máis idade, mentres que
no caso de ausencia do secretario será substituído
polo vicesecretario e, en defecto deste, polo vogal do
consello de administración de menor idade.
7. Asistirá á sesión, con voz e sen voto, o director
xeral da entidade.
8. Os acordos adoptados obrigan a todos os conselleiros
xerais, incluídos os ausentes e os disidentes,
e deberán constar en acta, que poderá ser aprobada
ao final da reunión pola propia asemblea, ou polo
presidente e dous interventores, designados nela,
nun prazo máximo de quince días. A acta terá forza
executiva a partir da data da súa aprobación e deberá
ser remitida no prazo máximo de quince días á
consellaría competente en materia de política financeira
».
Doce.-A alínea 2 do artigo 34 queda redactada nos
seguintes termos:
«2. A asemblea xeral extraordinaria será convocada
polo consello de administración cando o estime
conveniente para os intereses sociais, cando o solicite
un terzo dos membros da asemblea xeral ou cando
o solicite a comisión de control, sempre que neste
último caso se trate de materias de competencia
desta. A petición debe concretar a orde do día da
sesión e nesta só poderá tratarse o obxecto para o
que foi expresamente convocada, e a convocatoria
Nº 2 _ Martes, 5 de xaneiro de 2010 DIARIO OFICIAL DE GALICIA 35
debe realizarse nun prazo máximo de quince días
desde a presentación da petición sen que poidan
mediar máis de vinte días entre a data da convocatoria
e a sinalada para a realización da asemblea».
Trece.-O artigo 35 queda redactado nos seguintes
termos:
«Artigo 35º.-Funcións do consello de administración.
1. O consello de administración é o órgano de
administración e xestión ordinaria da entidade, así
como da obra social da caixa de aforros, sen máis
limitacións que as expresamente reservadas á asemblea
xeral e á comisión de control, e poderá delegar
as súas facultades en comisións delegadas, entre as
que será obrigatoria unha comisión delegada das
obras sociais. Así mesmo, constituirá no seu seo
unha comisión de retribucións e unha comisión de
investimentos.
2. A concesión de créditos, avais e garantías da
caixa de aforros aos vogais do consello de administración,
aos membros das comisións de control,
retribucións e investimentos, ao director xeral ou aos
seus cónxuxes ou parellas de feito, ascendentes,
descendentes, así como ás sociedades nas que as
persoas mencionadas teñan participación que, illada
ou conxuntamente, sexa maioritaria, posúan unha
posición de dominio ou desempeñen cargos de alta
representación, directivo ou asimilado, e o alleamento
á caixa de aforros de bens ou valores da súa
propiedade ou emitidos por tales entidades deberán
ser aprobados polo consello de administración da
caixa de aforros e deberanlle ser comunicados á consellaría
competente en materia de política financeira
para que preste autorización expresa.
3. O consello de administración poderá delegar
algunha ou algunhas das súas facultades de xestión
nos órganos de goberno das entidades que constitúan
e articulen alianzas entre caixas de aforros ou
os creados para o efecto no seo da Confederación
Española de Caixas de Aforros, coa finalidade de
reducir os custos operativos das entidades que a
integren, para aumentar a eficiencia sen poñer en
perigo a competencia nos mercados nacionais ou
para participar con volume suficiente nos mercados
internacionais de capital. Esta delegación manterase
en vigor durante o período da alianza ou mentres
as entidades non acorden a súa modificación
mediante o procedemento que previamente establecesen
para o efecto. Esta delegación non se estenderá
ao deber de vixilancia das actividades delegadas
nin ás facultades que respecto delas teña a comisión
de control.
Os acordos de delegación requirirán a autorización
previa da consellaría competente en materia de política
financeira, para os efectos de garantir que non
impliquen menoscabo da independencia da caixa de
aforros ou perigo para a súa estabilidade económicofinanceira.
No caso de sistemas institucionais de protección,
previstos pola normativa de recursos propios, ou
figura análoga que se puidese crear, a necesaria autorización
previa da consellaría competente en materia
de política financeira considerará, entre outras, adicionalmente
ao previsto no parágrafo anterior, as
consecuencias que puidesen derivarse da operación
para o cumprimento da finalidade financeira e social
da entidade en Galicia. Unha vez en funcionamento,
será obrigatoria a remisión á citada consellaría da
mesma información consolidada ou agregada que
deba remitírselle ao Banco de España».
Catorce.-Modifícanse a alínea 1 e os parágrafos
segundo e terceiro da alínea 2 do artigo 36 no
seguinte sentido:
«1. O número de vogais do consello de administración
será de 25».
«No previsto na letra b) do citado artigo 25º garantirase
como mínimo a presenza no consello de administración
de dúas entidades».
«No previsto na letra c) do xa citado artigo 25º
garantirase igualmente a presenza no consello de
administración de polo menos un representante das
entidades non fundadoras. Igualmente, o persoal
fixo do cadro da caixa de aforros contará cun representante
como mínimo. No caso de que por motivo
do número de membros do consello de administración
o número de representantes non sexa número
enteiro, procederase a efectuar o redondeo por
defecto, e atribuiránselle os restos de xeito proporcional
ao decimal máis alto. No caso de haber dous
grupos co mesmo decimal, a preferencia determinarase
segundo a orde da letra establecida nesta lei.
No caso de que, por aplicación do redondeo, a representación
pública puidese superar o 50% do órgano,
o grupo ou os grupos que o fixesen superar cederán
a orde aos seguintes non públicos».
Quince.-O artigo 37 queda redactado nos seguintes
termos:
«Artigo 37º.-Nomeamento, causas de inelixibilidade
e incompatibilidades.
1. Os vogais do consello de administración serán
nomeados pola asemblea xeral de entre os membros
de cada sector de representación e por proposta dos
conselleiros do respectivo sector que representen
cando menos un 15% do total dese sector.
Se por algún dos grupos se formulasen varias propostas,
estas serán sometidas previamente a votación
entre os conselleiros xerais do grupo, e atribuiranse
os postos no consello de administración que a
ese grupo lle corresponda en proporción ao número
de votos obtidos por cada candidatura proposta.
2. Os vogais do consello de administración estarán
afectados polas mesmas causas de inelixibilidade e
cesamento que as establecidas para os conselleiros
xerais.
Os estatutos da entidade fixarán a idade máxima
que poderán ter para o desempeño do cargo, sen que
poida ser esta idade superior aos 70 anos. Cumprida
esta, será causa inmediata de cesamento e serán
substituídos polos seus suplentes.
3. Coa excepción do Parlamento de Galicia,
ningunha entidade poderá ter máis dun representante
no consello de administración dunha caixa de afo36
DIARIO OFICIAL DE GALICIA Nº 2 _ Martes, 5 de xaneiro de 2010
rros nin poderá estar representada simultaneamente
no consello de administración e na comisión de control
da mesma caixa de aforros.
Adicionalmente e coa excepción do Parlamento de
Galicia, ningunha persoa ou entidade poderá formar
parte nin estar representada no consello de administración
ou na comisión de control de máis dunha
caixa de aforros.
4. No caso de cesamento ou revogación dun membro
do consello de administración antes de finalizar
o seu mandato, será substituído durante o período
restante polo seu suplente. Para estes efectos, por
cada grupo de representación será nomeado un
suplente por cada titular. No caso de vacante por
non existir suplente, esta vacante cubrirase na primeira
asemblea que se realice».
Dezaseis.-O artigo 40 queda redactado nos seguintes
termos:
«Artigo 40º.-Sesións do consello de administración.
1. O consello de administración reunirase todas as
veces que sexa necesario para a boa marcha da entidade,
e como mínimo unha vez ao mes. Tamén deberá
reunirse cando o solicite un terzo dos vogais do
consello de administración. Para a súa válida constitución
é precisa a asistencia da maioría dos seus
membros.
2. A convocatoria corresponderalle ao presidente,
quen determinará os asuntos que deben figurar na
orde do día. Cando a convocatoria sexa por petición
dun terzo dos vogais do consello, a orde do día recollerá
as cuestións expostas polos solicitantes.
3. No caso de ausencia do presidente será suplido
polo vicepresidente e, en defecto deste, polo vogal
do consello de administración de máis idade, mentres
que no caso de ausencia do secretario será substituído
polo vicesecretario e, en defecto deste, polo
vogal do consello de administración de menor idade.
4. Os acordos adoptaranse por maioría dos conselleiros
asistentes, agás nos casos nos que os estatutos esixan
outra maioría. O presidente terá voto de calidade.
5. Ás reunións do consello de administración asistirá
con voz e sen voto o director xeral, agás para a
toma de decisións que o afecten».
Dezasete.-Modificase o artigo 41, que queda
redactado nos seguintes termos:
«Artigo 41º.-Comisións do consello de administración.
1. Ademais das comisións obrigatorias, que se
regulan nas seguintes alíneas deste artigo, o consello
de administración poderá delegar as súas facultades
nunha comisión delegada, agás as relativas á elevación
de propostas á asemblea xeral ou cando se trate
de facultades especialmente delegadas no consello,
salvo que fose expresamente autorizado para iso.
2. A comisión delegada das obras sociais estará
formada por tres membros do consello de administración
e terá a función de aprobar con carácter previo
as actuacións da obra social que non teñan que
ser autorizadas polo consello de administración ou
pola asemblea xeral. Así mesmo, nos meses de abril,
xullo, outubro e xaneiro analizará a execución da
obra social no trimestre anterior, e no mes de xaneiro
aprobará un informe que elevará ao consello de
administración e á comisión de control sobre a execución
da obra social no exercicio anterior.
3. A comisión de retribucións estará formada por
tres membros do consello de administración e terá a
función de informar o consello sobre a política xeral
de retribucións e incentivos para os membros do
consello e, especialmente, para o persoal directivo
da entidade.
4. A comisión de investimentos estará formada por
tres membros do consello de administración e terá a
función de informar o consello sobre os investimentos
e desinvestimentos de carácter estratéxico e
estable que efectúe a caixa de aforros, xa sexa directamente
ou a través de entidades do seu mesmo grupo,
así como sobre a viabilidade financeira dos citados
investimentos e a súa adecuación aos orzamentos
e plans estratéxicos da entidade. Os membros da
comisión serán designados atendendo á súa capacidade
técnica e experiencia profesional.
A comisión de investimentos deberá elaborar un
informe anual para a súa elevación ao consello de
administración, no que deberá incluírse un resumo
dos investimentos e desinvestimentos realizados no
ano, así como unha relación dos informes emitidos e
do seu sentido.
Enténdense como estratéxicos os investimentos e
desinvestimentos de participacións significativas en
sociedades ou a participación en proxectos empresariais
con presenza na xestión ou nos seus órganos de
goberno.
5. Todas as comisións delegadas designaraas o
consello de administración de entre os seus vogais.
Ningún vogal do consello de administración poderá
pertencer a máis dunha das comisións previstas nas
alíneas 2, 3 e 4 deste artigo».
Dezaoito.-O artigo 43 queda redactado nos seguintes
termos:
«Artigo 43º.-Comisión de control: composición e
reunións.
1. A comisión de control contará cun mínimo de
seis e un máximo de dez membros con voz e voto,
entre os cales necesariamente deberá atoparse un
representante de cada un dos sectores de representación.
A comisión nomeará entre os seus membros
con voz e voto un presidente e un secretario.
2. Asistirá ás reunións da comisión de control, con
voz e sen voto, un representante da consellaría competente
en materia de política financeira, elixido
entre persoas con capacidade e preparación técnica
adecuada. Poderá asistir ás reunións da comisión de
control, cando sexa expresamente convocado, o
director xeral da entidade, con voz e sen voto.
3. A comisión de control reunirase coa mesma frecuencia
quea o consello de administración. A convocatoria
corresponderalle ao presidente, quen determinará
os asuntos que deben figurar na orde do día.
Tamén deberá reunirse cando o solicite un terzo dos
Nº 2 _ Martes, 5 de xaneiro de 2010 DIARIO OFICIAL DE GALICIA 37
membros da comisión, en cuxo caso a orde do día
recollerá as cuestións expostas polos solicitantes.
Para a súa válida constitución é precisa a asistencia
da maioría dos seus membros con voz e voto.
4. Os membros da comisión de control e o representante
da consellaría competente en materia de
política financeira poderán solicitar do secretario do
consello de administración e do director xeral cantos
antecedentes e informacións consideren necesarios
para a discusión dos asuntos incluídos na orde do
día da sesión.
5. Na primeira semana de cada mes, o secretario
do consello de administración deberá remitirlles a
cada un dos membros da comisión de control, así
como ao representante da consellaría competente en
materia de política financeira, unha relación dos
acordos adoptados polo consello de administración e
por todas e cada unha das súas comisións delegadas
no mes anterior.
6. No caso de cesamento ou revogación dun membro
da comisión de control antes do remate do seu
mandato, será substituído durante o período restante
polo seu suplente. Para estes efectos, por cada
grupo de representación será nomeado un suplente
por cada titular.
7. Os membros da comisión de control non poderán
formar parte nin ocupar ningún cargo nas fundacións
que para a xestión da súa obra social poidan
constituír as caixas de aforros nin naqueloutras das
que, sendo constituídas por outras persoas físicas ou
xurídicas, poidan participar as caixas de aforros».
Dezanove.-Modifícase o artigo 45, que queda
redactado da seguinte forma:
«Artigo 45º.-O director xeral.
1. O director xeral será nomeado por maioría absoluta
polo consello de administración entre persoas
con capacidade, preparación técnica e experiencia
suficiente para realizar as funcións do cargo, e que
non concorra nelas ningunha das circunstancias previstas
no artigo 27 deste texto refundido. Este
nomeamento deberá ser ratificado pola asemblea
xeral e comunicado á consellaría competente en
materia de política financeira, con carácter previo á
súa toma de posesión.
2. O director xeral cesará por xubilación ou por
alcanzar a idade de 70 anos, e poderá ser removido
do seu cargo:
a) Por acordo de separación adoptado por maioría
absoluta do consello de administración, que deberá
ser ratificado pola asemblea xeral e comunicado á
consellaría competente en materia de política financeira
con carácter previo á súa efectividade.
b) En virtude de expediente disciplinario instruído
pola consellaría competente en materia de política
financeira, por propia iniciativa ou por proposta do
Banco de España.
3. O director xeral realizará as funcións que lle
atribúan os estatutos da entidade e as que lle delegue
expresamente o consello de administración, ben
con carácter xenérico, ben con carácter especial, e
en particular dirixirá a actuación dos órganos executivos
da caixa e desempeñará a dirección superior do
persoal».
Vinte.-A letra d) da alínea 2 do artigo 51 queda
redactada nos seguintes termos:
«d) A xustificación económica do proxecto de
fusión, na cal se incluirá unha memoria detallada na
que se acrediten os requisitos previstos no artigo 54º
deste texto refundido, a organización resultante, o
programa estratéxico da nova entidade que subscribirán
os administradores das entidades participantes
no proceso de fusión e as posibles consecuencias
da fusión sobre o emprego».
Vinte e un.-O artigo 54 queda redactado nos
seguintes termos:
«Artigo 54º.-Autorización das fusións.
1. As fusións das caixas de aforros deberán ser
autorizadas polo Consello da Xunta de Galicia, oído
o Parlamento de Galicia, logo da solicitude conxunta
das entidades que pretenden a súa fusión.
A fusión dunha caixa de aforros galega con outra
que teña o seu domicilio social fóra de Galicia deberá
ser autorizada conxuntamente polos órganos competentes
das comunidades autónomas afectadas e
determinarase, no acto autorizatorio, a proporción
que lles corresponderá ás administracións públicas,
ás entidades e ás corporacións de dereito público de
cada comunidade nos órganos de goberno da caixa
de aforros resultante da fusión.
Para conceder a autorización valorarase que o
domicilio social da caixa resultante da fusión se fixe
en Galicia e que se manteña unha axeitada presenza
territorial das oficinas en Galicia.
2. Para conceder a autorización serán requisitos
indispensables, entre outros:
a) Que a entidade absorbida ou as que desexen
fusionarse non estean en liquidación.
b) Que non derive prexuízo para as garantías dos
impositores ou acredores das caixas de aforros que
pretendan integrarse.
3. Regulamentariamente determinaranse os requisitos,
as condicións e o procedemento que se deberán
cumprir no proceso de fusión».
Artigo 3º.-Modificacións no título III do Decreto
lexislativo 1/2005, do 10 de marzo, polo que se aproba
o texto refundido das leis 7/1985, do 17 de xullo,
e 4/1996, do 31 de maio, de caixas de aforros de
Galicia.
Modifícanse os artigos que seguidamente se relacionan
do título III do Decreto lexislativo 1/2005, do
10 de marzo, polo que se aproba o texto refundido
das leis 7/1985, do 17 de xullo, e 4/1996, do 31 de
maio, de caixas de aforros de Galicia:
Un.-O artigo 59 queda redactado nos seguintes
termos:
«Artigo 59º.-Actividade financeira.
1. As caixas de aforros, no marco dos principios
xerais recollidos no artigo 6º deste texto refundido,
38 DIARIO OFICIAL DE GALICIA Nº 2 _ Martes, 5 de xaneiro de 2010
desenvolverán a súa actividade financeira con absoluta
liberdade, independencia e respecto ás leis.
2. A Xunta de Galicia coidará da transparencia
dos mercados e da solvencia das entidades e establecerá
os medios necesarios de protección aos
clientes».
Dous.-O artigo 61 queda redactado nos seguintes
termos:
«Artigo 61º.-Aspectos fundacionais.
A Xunta de Galicia realizará un labor de orientación
en materia de acción social, e indicará as principais
necesidades e prioridades, sen prexuízo da
liberdade da caixa de aforros en canto á elección dos
destinos concretos do gasto».
Tres.-O artigo 65 queda redactado nos seguintes
termos:
«Artigo 65º.-Autorización de determinados investimentos.
A consellaría competente en materia de política
financeira establecerá, en función dos recursos propios
ou totais da caixa de aforros ou en relación
cunha cantidade ou porcentaxe determinada, a
necesidade de autorización previa para os investimentos,
directos ou indirectos, en calquera clase de
activos -materiais, inmateriais, monetarios ou financeiros-,
así como para a concentración de riscos, de
xeito directo ou indirecto, nunha persoa ou grupo,
sen prexuízo da normativa básica aplicable».
Catro.-O artigo 74 queda redactado nos seguintes
termos:
«Artigo 74º.-Dotacións das obras sociais.
1. De acordo coa súa finalidade e natureza fundacional,
as caixas de aforros con domicilio social en
Galicia destinarán a totalidade dos seus excedentes
que non teñan que aplicar a reservas por mandato
legal á dotación de reservas voluntarias, a fondos
imputables aos copartícipes e á creación e ao mantemento
de obras sociais.
2. No caso de que as caixas encabecen un grupo
consolidable de entidades de crédito, o excedente de
referencia será o que resulte dos estados contables
consolidados.
3. Correspóndelle á consellaría competente en
materia de política financeira autorizar os acordos
aprobados pola asemblea xeral das caixas de aforros
con domicilio social en Galicia relativos á determinación
dos excedentes e á súa distribución consonte
a normativa aplicable, así como os relativos aos
orzamentos para o exercicio en curso, ás novas obras
sociais e á liquidación do exercicio anterior.
4. A consellaría competente en materia de política
financeira poderá, mediante convenio, acordar
anualmente coas caixas de aforros galegas a porcentaxe
dos seus excedentes que dedicarán a obras
sociais. No caso de que os sinalados convenios non
sexan asinados antes do 31 de marzo de cada exercicio,
a dita porcentaxe poderá ser establecida por orde
da consellaría competente en materia de caixas de
aforros, logo da audiencia das entidades afectadas.
Nos devanditos convenios estableceranse as principais
necesidades que deben cubrirse con carácter
prioritario, sen prexuízo da liberdade de cada caixa
en canto á elección dos destinos concretos do gasto».
Cinco.-O artigo 75 queda redactado nos seguintes
termos:
«Artigo 75º.-Destino da acción social.
1. As obras sociais deberán respectar os principios
de universalidade, publicidade e respecto da competencia,
e deberán dirixirse de xeito directo a
actuacións relativas á mellora do tecido produtivo
galego, ao desenvolvemento tecnolóxico e á investigación,
á formación profesional e empresarial e á
actividade emprendedora, ao fomento do emprego e
á educación en todos os niveis, á sanidade pública,
aos servizos de asistencia social, á integración de
colectivos marxinais e con menores niveis de ingresos,
á cultura e ao deporte base, especialmente nas
áreas xeográficas de actuación da caixa, sen que en
ningún caso poida reverter á caixa a través das súas
actividades de carácter financeiro.
Será preciso o informe favorable previo da consellaría
competente en materia de política financeira
para a realización de calquera obra social, propia ou
en colaboración, cando o importe que se vaia financiar
pola caixa no exercicio vixente e nos dous
seguintes sexa superior a 500.000 euros.
2. Para identificar aqueles proxectos concretos
que puidesen constituír os destinos da obra social
das caixas de aforros tomaranse como referencia os
estudos e as análises existentes sobre a realidade
socioeconómica de Galicia e aqueloutros que as propias
caixas de aforros poidan realizar con especial
referencia ao territorio que constitúe a súa zona de
influencia. En calquera caso deberanse ter en conta
tamén aqueles proxectos que potencien os sinais de
identidade de cada caixa de aforros.
3. As caixas de aforros que, sen ter a súa sede
social en Galicia, conten con oficinas na comunidade
galega deben efectuar investimentos ou gastos en
obra social en Galicia, e destinar para tal efecto
como mínimo a parte do seu orzamento anual da
obra social proporcional aos recursos captados en
Galicia respecto do total da entidade. A consellaría
competente en materia de política financeira velará
por que os destinos da acción social destas caixas de
aforros se adapten ás necesidades galegas.
4. Anualmente as caixas de aforros avaliarán en
que medida os proxectos realizados contribuíron a
mellorar a situación económico-social de Galicia.
5. Á acción social non xestionada directamente
polas caixas de aforros seranlle aplicables os mesmos
principios e criterios que á xestionada directamente
».
Disposicións adicionais
Primeira.-Fomento do uso da lingua galega na
actividade das caixas de aforros.
1. As caixas de aforros, de acordo coa súa vocación
social, favorecerán no seu ámbito a normalización
progresiva do uso da lingua galega e promoverán o
Nº 2 _ Martes, 5 de xaneiro de 2010 DIARIO OFICIAL DE GALICIA 39
seu uso, tanto nas comunicacións escritas coma orais.
2. As caixas de aforros galegas e as que operen en
Galicia deberán ofrecerlles aos seus clientes, no
ámbito da comunidade autónoma, a posibilidade de
formalizar contratos e recibir as comunicacións
periódicas que deban realizarlles en galego.
Segunda.-Substitución de referencias á Consellería
de Economía e Facenda.
As referencias á Consellería de Economía e
Facenda contidas no Decreto lexislativo 1/2005, do
10 de marzo, polo que se aproba o texto refundido
das leis 7/1985, do 17 de xullo, e 4/1996, do 31 de
maio, de caixas de aforros de Galicia, entenderanse
realizadas á consellaría competente en materia de
política financeira.
Disposición transitorias
Primeira.-Adaptación dos órganos de goberno.
1. Sen prexuízo do previsto no artigo 30 do texto
refundido da lexislación de caixas de aforros de
Galicia, aprobado polo Decreto lexislativo 1/2005,
do 10 de marzo, dados os cambios porcentuais e sectoriais
que se introducen, no prazo máximo de dous
meses desde a entrada en vigor desta lei as caixas de
aforros con domicilio social en Galicia deberán proceder
a renovar a totalidade dos seus órganos de
goberno, adaptándoos ás disposicións que se conteñen
nesta lei.
2. Se algún dos membros dos novos órganos de
goberno desempeñase algún cargo con anterioridade,
para o cómputo total do seu mandato deberá terse
en conta o tempo que desempeñase o cargo con
anterioridade.
3. Se a caixa de aforros tivese comezado algún proceso
de renovación dos seus órganos de goberno no
momento da entrada en vigor desta lei, suspenderao
co fin de comezar uns novos procesos que se adecuen
ao previsto nesta lei.
4. Mentres non se produza a constitución dos
novos órganos de goberno, a administración, o control
e a representación das caixas de aforros seguirán
atribuídos aos actuais órganos de goberno, os
cales deberán adoptar os acordos necesarios para a
debida execución e cumprimento das normas contidas
nesta lei.
Segunda.-Normas para a primeira renovación dos
órganos de goberno.
1. A asemblea xeral constará de 160 membros, coa
seguinte distribución por sectores:
a) Parlamento de Galicia: 32 membros.
b) Corporacións locais en cuxo termo teña oficinas
a entidade: 32 membros.
c) As entidades representativas de intereses colectivos:
16 membros.
d) Empregados da caixa de aforros: 16 membros.
e) Entidades fundadoras: 16 membros.
f) Impositores: 48 membros.
No caso de non existir entidades fundadoras, a
representación do Parlamento de Galicia e das corporacións
locais será respectivamente de 40 membros.
2. Os conselleiros xerais serán designados nun
prazo máximo de corenta días naturais desde a
entrada en vigor desta lei do seguinte xeito:
a) Parlamento de Galicia: 32 membros, ou 40 no
caso de non haber fundadores, nomeados polo Pleno
por proposta dos grupos parlamentarios, na proporción
da composición do Parlamento de Galicia.
b) Corporacións locais: 32 membros, ou 40 no caso
de non haber fundadores. Asignaranse por comunidades
autónomas en función dos depósitos captados
nesa comunidade respecto dos depósitos totais da
entidade. Dous terzos dos representantes de cada
comunidade autónoma asignaranse en proporción ao
volume de depósitos que supoñan as oficinas situadas
no concello sobre o volume de depósitos na
comunidade autónoma. O terzo restante asignarase
por sorteo entre as corporacións restantes. No caso
de producirse decimais, procederase a efectuar o
redondeo por defecto e atribuiránselle os restos de
xeito proporcional ao decimal máis alto.
c) Entidades representativas de intereses colectivos:
catro membros serán nomeados polas confederacións
de empresarios de Galicia, catro polas organizacións
sindicais máis representativas de Galicia,
outros catro polas restantes entidades con representación
no Consello Económico e Social de Galicia,
non mencionadas anteriormente, que non teñan a
consideración de administración institucional ou
corporativa e outros catro polas entidades determinadas
por orde da consellaría competente en materia
de política financeira de entre as asociacións e institucións
de carácter económico, social ou cultural
de recoñecido prestixio no ámbito territorial de
actuación da caixa de aforros, logo de consultadas as
caixas de aforros.
d) Empregados da caixa de aforros: 16 membros elixidos
mediante sufraxio de entre todo o persoal con
máis de dous anos de antigüidade, sen considerar os
grupos laborais nin a distribución por categorías.
e) Entidades fundadoras: 16 membros, na mesma
proporción que figuren nos estatutos da entidade.
f) Impositores: os 48 membros distribuiranse por
comunidades autónomas en función dos depósitos
captados nesa comunidade autónoma respecto dos
depósitos totais da entidade, para o que se procederá
a un sorteo notarial directo no que se designarán
os 48 titulares e 96 suplentes.
3. Malia o establecido anteriormente, e para garantir
a continuidade dos órganos de goberno evitando
cambios radicais na súa composición en favor da eficacia,
procederase do seguinte xeito:
a) A designación da cota de empregados á que se
fai referencia na letra d) da alínea anterior producirase
un ano despois da data de constitución da
asemblea xeral, e continuarán ata esa data os representantes
en exercicio do cargo no momento da
entrada en vigor desta lei.
40 DIARIO OFICIAL DE GALICIA Nº 2 _ Martes, 5 de xaneiro de 2010
b) En relación coa elección dos membros da asemblea
xeral en representación dos impositores aos que
fai referencia a letra f) da alínea anterior, procederase
do seguinte xeito:
-Unha vez excluídos aqueles que non reúnan os
requisitos para pertencer á asemblea xeral, realizarase
un sorteo notarial para a designación de entre eles
de 24 membros, que se incorporarán á nova asemblea
e permanecerán nela durante un período dun ano.
-Os restantes 24 membros serán designados polo
procedemento que se sinala na letra f) da alínea
anterior.
c) Así mesmo, os actuais representantes dos traballadores
nos consellos de administración das caixas
de aforros manteranse neles un ano, sen prexuízo
dos membros adicionais que puideran incorporarse
por incrementarse o número total de membros do
consello de administración que lle correspondan a
ese sector. O mesmo seralle aplicable á metade dos
membros dos consellos de administración elixidos
polo sector dos impositores, sempre e cando cumpran
os requisitos para pertencer á asemblea xeral.
4. A asemblea xeral deberá reunirse con carácter
extraordinario no prazo máximo de dous meses desde
a entrada en vigor desta lei co fin de nomear os novos
membros do consello de administración e da comisión
de control, segundo as normas recollidas nesta lei.
Terceira.-Adaptación de estatutos e regulamento
dos órganos de goberno.
No prazo de seis meses desde a entrada en vigor
desta lei, as caixas de aforros con domicilio social en
Galicia deberán modificar os seus estatutos e regulamentos
dos órganos de goberno para a súa adaptación
ás disposicións que nela se conteñen.
Cuarta.-Autorización da non aplicación do artigo
26.1.f) do texto refundido da lexislación de caixas de
aforros de Galicia, aprobado polo Decreto lexislativo
1/2005, do 10 de marzo.
Malia o disposto no artigo 26.2 do texto refundido
da lexislación de caixas de aforros de Galicia, aprobado
polo Decreto lexislativo 1/2005, do 10 de marzo,
e para os efectos de representar a entidade en
fundacións dependentes, a consellaría competente
en materia de política financeira poderá autorizar,
logo de petición razoada da entidade, a excepción da
aplicación do requisito do artigo 26.1.f) do citado
texto refundido para persoas que ocupasen postos
nos órganos de goberno no momento da entrada en
vigor desta lei e que non continuasen nestes tras a
renovación efectuada.
Quinta.-Excepción na aplicación da incompatibilidade
prevista no artigo 28 do texto refundido da
lexislación de caixas de aforros de Galicia, aprobado
polo Decreto lexislativo 1/2005, do 10 de marzo.
Aos membros dos órganos de goberno que no
momento de entrada en vigor desta lei viñesen
desempeñando postos nos órganos de sociedades
participadas pola caixa de aforros en máis dun 20%
directa ou indirectamente, ou nas que exerza unha
posición de dominio, non lles será aplicable a incompatibilidade
establecida no artigo 28 do texto refundido
da lexislación de caixas de aforros de Galicia,
aprobado polo Decreto lexislativo 1/2005, do 10 de
marzo, aínda logo de producida a renovación prevista
na disposición transitoria segunda desta lei.
Disposición derrogatoria
Única.-Fican derrogadas cantas disposicións de
igual ou inferior rango se opoñan ao disposto nesta lei.
Disposicións derradeiras
Primeira.-Desenvolvemento regulamentario.
A Xunta de Galicia e a consellaría competente en
materia de política financeira, no ámbito das súas
respectivas competencias, ditarán as normas que
requiran o desenvolvemento e a aplicación desta lei.
Segunda.-Autorización para a elaboración dun texto
refundido.
Autorízase á Xunta de Galicia para que no prazo de
seis meses desde a entrada en vigor desta lei aprobe un
decreto lexislativo no que se refundan nun único texto
as sucesivas modificacións en materia de caixas de aforros
producidas desde a Lei 7/1985, do 17 de xullo.
Terceira.-Entrada en vigor.
Esta lei entrará en vigor o día seguinte ao da súa
publicación no Diario Oficial de Galicia.
Santiago de Compostela, trinta de decembro de
dous mil nove.
Alberto Núñez Feijóo
Presidente
No hay comentarios:
Publicar un comentario